ಬೆಂಗಳೂರು: ಚಿತ್ರದುರ್ಗದ ರೇಣುಕಾಸ್ವಾಮಿ ಕೊಲೆ ಪ್ರಕರಣಕ್ಕೆ ಸಂಬಂಧಿಸಿದಂತೆ ನ್ಯಾಯಾಲಯದಲ್ಲಿ ಕಾನೂನು ಸಮರ ತೀವ್ರಗೊಂಡಿದೆ. ಈ ಪ್ರಕರಣದಲ್ಲಿ (Actor Darshan) ಮಾಫಿ ಸಾಕ್ಷಿಯಾಗಿ (Approver) ಹೊರಹೊಮ್ಮಿರುವ ಪ್ರದೂಷ್ ಸಲ್ಲಿಸಿರುವ ಮಧ್ಯಂತರ ಜಾಮೀನು (Interim Bail) ಅರ್ಜಿಗೆ ನಟ ದರ್ಶನ್ ಪರ ಹಿರಿಯ ವಕೀಲ ಹಷ್ಮತ್ ಪಾಷಾ ಅವರು ನ್ಯಾಯಾಲಯದಲ್ಲಿ ಭಾರಿ ಆಕ್ಷೇಪ ವ್ಯಕ್ತಪಡಿಸಿದ್ದಾರೆ.
ಪ್ರದೂಷ್ ಸಲ್ಲಿಕೆ ಮಾಡಿರುವ ಈ ಅರ್ಜಿಯನ್ನು ಪುರಸ್ಕರಿಸಬಾರದು ಮತ್ತು ಆತನಿಗೆ ಪ್ರಸ್ತುತ ಸನ್ನಿವೇಶದಲ್ಲಿ ಮಧ್ಯಂತರ ಜಾಮೀನು ನೀಡುವುದು ಕಾನೂನುಬದ್ಧವಾಗಿ ಸೂಕ್ತವಲ್ಲ ಎಂದು ನ್ಯಾಯಪೀಠದ ಮುಂದೆ ಖಡಕ್ ವಾದ ಮಂಡಿಸಿದ್ದಾರೆ.
‘ಪ್ರದೂಷ್ ಈಗ ಆರೋಪಿಯಲ್ಲ, ಆತ ಸಾಕ್ಷಿ’: ಹಷ್ಮತ್ ಪಾಷಾ ವಾದ
ದರ್ಶನ್ ಪರ ವಕೀಲ ಹಷ್ಮತ್ ಪಾಷಾ ಅವರು ವಾದ ಮಂಡಿಸುತ್ತಾ, “ಪ್ರದೂಷ್ ಪ್ರಕರಣದಲ್ಲಿ ಈಗ ಸಾಮಾನ್ಯ ಆರೋಪಿಯಾಗಿ ಉಳಿದಿಲ್ಲ, ಆತ ಈಗಾಗಲೇ ಮಾಫಿ ಸಾಕ್ಷಿಯಾಗಿದ್ದಾನೆ (Approver). ಆತನ ಹೇಳಿಕೆಯನ್ನು ಈಗಾಗಲೇ ನ್ಯಾಯಾಲಯದಲ್ಲಿ ದಾಖಲಿಸಿಕೊಳ್ಳಲಾಗಿದೆ. ಮಧ್ಯಂತರ ಜಾಮೀನು ಎನ್ನುವುದು ವಿಚಾರಣೆ ಎದುರಿಸುತ್ತಿರುವ ಆರೋಪಿಗಳಿಗೆ ನೀಡುವಂತಹುದು. ಮಾಫಿ ಸಾಕ್ಷಿಯಾಗಿ ಬದಲಾಗಿರುವ ವ್ಯಕ್ತಿಗೆ ಮಧ್ಯಂತರ ಜಾಮೀನು ಪಡೆಯುವ ಯಾವುದೇ ಅರ್ಹತೆ ಇಲ್ಲ” ಎಂದು ಪೀಠದ ಗಮನಕ್ಕೆ ತಂದಿದ್ದಾರೆ.
ಅಲ್ಲದೆ, ಮುಂಬರುವ ದಿನಗಳಲ್ಲಿ ಪ್ರಕರಣವು ಕ್ರಾಸ್ ಎಕ್ಸಾಮಿನೇಷನ್ (ಸಟಿಫಿಕೇಟ್/ಪಾಟಿ ಸವಾಲು) ಹಂತಕ್ಕೆ ಬರಲಿದ್ದು, ಈ ನಿರ್ಣಾಯಕ ಸಮಯದಲ್ಲಿ ಆತನನ್ನು ಹೊರಬಿಡುವುದು ಸರಿ ಅಲ್ಲ ಎಂದು ಪ್ರತಿಪಾದಿಸಿದ್ದಾರೆ.
ಟ್ರಯಲ್ ಕೋರ್ಟ್‌ಗೆ ಪವರ್ ಇಲ್ಲ, ಹೈಕೋರ್ಟ್‌ಗೆ ಮಾತ್ರ ಅಧಿಕಾರ!
ನ್ಯಾಯಾಲಯದ ಅಧಿಕಾರ ವ್ಯಾಪ್ತಿಯ ಕುರಿತು ಬೆಳಕು ಚೆಲ್ಲಿದ ವಕೀಲರು, “ಟ್ರಯಲ್ ಕೋರ್ಟ್‌ಗೆ (ವಿಚಾರಣಾ ನ್ಯಾಯಾಲಯ) ಮಾಫಿ ಸಾಕ್ಷಿಗೆ ಮಧ್ಯಂತರ ಜಾಮೀನು ನೀಡಿ ಬಿಡುಗಡೆ ಮಾಡುವ ಅಧಿಕಾರವಿಲ್ಲ. ಅಂತಹ ವಿಶೇಷ ಪವರ್ ಕೇವಲ ಉಚ್ಚ ನ್ಯಾಯಾಲಯಕ್ಕೆ (High Court) ಮಾತ್ರ ಇದೆ. ಅದು ಕೂಡ ಅತ್ಯಂತ ತುರ್ತು ಪರಿಸ್ಥಿತಿಯಿದ್ದಾಗ ಅಥವಾ ಮಾನವೀಯತೆಯ ಆಧಾರದ ಮೇಲೆ ಮಾತ್ರ ಹೈಕೋರ್ಟ್ ನಿರ್ಧಾರ ಕೈಗೊಳ್ಳಬಹುದು” ಎಂದು ಸ್ಪಷ್ಟಪಡಿಸಿದರು.
ಪ್ರದೂಷ್ ವಿಷಯದಲ್ಲಿ ಯಾವುದೇ ಮಾನವೀಯ ಆಧಾರದ ಮೇಲೆ ಜಾಮೀನು ನೀಡಬಾರದು ಎಂದು ಹಷ್ಮತ್ ಪಾಷಾ ಆಕ್ಷೇಪ ವ್ಯಕ್ತಪಡಿಸಿದರು.
ಮ್ಯಾಜಿಸ್ಟ್ರೇಟ್ ಷರತ್ತು ಹಾಗೂ ಪೊಲೀಸ್ ಎಸ್ಕಾರ್ಟ್ ವಿಚಾರ ಸಲ್ಲಿಕೆ
ಇನ್ನು ಪ್ರದೂಷ್ ನ್ಯಾಯಾಲಯದ ಪ್ರತಿಯೊಂದು ಷರತ್ತುಗಳಿಗೂ (Conditions) ಒಪ್ಪಿಕೊಂಡಿರುವುದನ್ನು ಉಲ್ಲೇಖಿಸಿದ ವಕೀಲರು, ಆತ ಈಗಾಗಲೇ ಸಾಕ್ಷಿಯಾಗಿರುವ ಕಾರಣ ಜಾಮೀನು ಮಂಜೂರು ಮಾಡುವುದು ಸೂಕ್ತವಲ್ಲ ಎಂದರು.
ಅಷ್ಟೇ ಅಲ್ಲದೆ, ಈಗಾಗಲೇ ಕಾಮಾಕ್ಷಿಪಾಳ್ಯ ಠಾಣೆಯ ಪೊಲೀಸರು ಆತನಿಗೆ ಎಸ್ಕಾರ್ಟ್ ಮಾಡಬಾರದು ಎಂದು ನ್ಯಾಯಾಲಯದ ಸ್ಪಷ್ಟ ಆದೇಶವಿದೆ ಎಂಬುದನ್ನು ಸಹ ತಮ್ಮ ಸುದೀರ್ಘ ವಾದದ ವೇಳೆ ಹಷ್ಮತ್ ಪಾಷಾ ನ್ಯಾಯಪೀಠದ ಗಮನಕ್ಕೆ ತಂದಿದ್ದಾರೆ.
ಇದನ್ನೂ ಓದಿ: ‘ಅರಮನೆ, ಅಂಬಾರಿ ಯಾರದ್ದು?’: ರಾಜಮಾತೆ ಪ್ರಮೋದಾದೇವಿ ಪತ್ರದ ಬೆನ್ನಲ್ಲೇ ತೀವ್ರಗೊಂಡ ಸರ್ಕಾರ v/s ರಾಜಮನೆತನ ಸಂಘರ್ಷ!
