ನವದೆಹಲಿ: ಇತ್ತೀಚಿನ ದಿನಗಳಲ್ಲಿ ‘ಫ್ಯಾಟಿ ಲಿವರ್’ (Fatty Liver) ಸಮಸ್ಯೆ ಪ್ರತಿಯೊಬ್ಬ ಮೂವರಲ್ಲಿ ಒಬ್ಬರನ್ನು ಕಾಡುತ್ತಿದ್ದು, ಬಜ್ಜು, ಮಧುಮೇಹ ಮತ್ತು ಕೊಲೆಸ್ಟ್ರಾಲ್ ಇರುವವರಲ್ಲಿ ಇದು ಹೆಚ್ಚಾಗಿ ಕಾಣಿಸಿಕೊಳ್ಳುತ್ತಿದೆ. ದಿನನಿತ್ಯದ ಸರಳ ವಾಯುವಿಹಾರ ಅಥವಾ ಬಿರುಸಿನ ನಡಿಗೆಯಿಂದ (Brisk Walking) ಫ್ಯಾಟಿ ಲಿವರ್ ಸಮಸ್ಯೆಯನ್ನು ಶಮನಗೊಳಿಸಲು ಸಾಧ್ಯವೇ ಎಂಬ ಪ್ರಶ್ನೆಗೆ ಪ್ರಸಿದ್ಧ ಗ್ಯಾಸ್ಟ್ರೋಎಂಟರಾಲಜಿಸ್ಟ್ ಡಾ. ರಮೇಶ್ ಗಾರ್ಗ್ ಉತ್ತರಿಸಿದ್ದಾರೆ.
ಇನ್ಸುಲಿನ್ ಕಾರ್ಯಕ್ಷಮತೆ ಹೆಚ್ಚುತ್ತದೆ
ಪ್ರತಿದಿನ ನಿಯಮಿತವಾಗಿ ಬಿರುಸಿನ ನಡಿಗೆ ಮಾಡುವುದರಿಂದ ದೇಹದಲ್ಲಿ ಇನ್ಸುಲಿನ್ ಕಾರ್ಯಕ್ಷಮತೆ ಹೆಚ್ಚುತ್ತದೆ, ಹೆಚ್ಚುವರಿ ಕೊಬ್ಬು ಕರಗುತ್ತದೆ ಹಾಗೂ ರಕ್ತದಲ್ಲಿನ ಸಕ್ಕರೆ ಮತ್ತು ಕೊಲೆಸ್ಟ್ರಾಲ್ ಮಟ್ಟ ನಿಯಂತ್ರಣಕ್ಕೆ ಬರುತ್ತದೆ. ಇದು ಯಕೃತ್ತಿನಲ್ಲಿ ಸಂಗ್ರಹವಾಗಿರುವ ಕೊಬ್ಬನ್ನು ನೇರವಾಗಿ ಕಡಿಮೆ ಮಾಡಲು ನೆರವಾಗುತ್ತದೆ. ವಾರಕ್ಕೆ ಕನಿಷ್ಠ 150 ರಿಂದ 300 ನಿಮಿಷಗಳ ಕಾಲ, ಅಂದರೆ ದಿನಕ್ಕೆ 30 ರಿಂದ 45 ನಿಮಿಷಗಳಷ್ಟು ನಡಿಗೆ ಅಭ್ಯಾಸ ಮಾಡಿಕೊಳ್ಳುವುದು ಲಿವರ್ ಆರೋಗ್ಯಕ್ಕೆ ಅತ್ಯಂತ ಹಿತಕರ ಎಂದು ತಜ್ಞರು ತಿಳಿಸಿದ್ದಾರೆ.
ಆದರೆ, ಕೇವಲ ನಡಿಗೆ ಒಂದೇ ಫ್ಯಾಟಿ ಲಿವರ್ಗೆ ಸಂಪೂರ್ಣ ಪರಿಹಾರವಲ್ಲ. ಇದರೊಂದಿಗೆ ಸಮತೋಲಿತ ಆಹಾರ ಪದ್ಧತಿಯೂ ಅತ್ಯಗತ್ಯ. ತರಕಾರಿ, ಹಣ್ಣು, ಧಾನ್ಯಗಳನ್ನು ಹೆಚ್ಚಾಗಿ ಸೇವಿಸುತ್ತಾ, ಸಿಹಿ ಪಾನೀಯಗಳು ಮತ್ತು ಸಂಸ್ಕರಿಸಿದ ಜಂಕ್ ಫುಡ್ಗಳನ್ನು ಸಂಪೂರ್ಣವಾಗಿ ತೊರೆಯಬೇಕು. ಜೊತೆಗೆ ದೇಹದ ತೂಕದಲ್ಲಿ ಶೇಕಡಾ 5 ರಿಂದ 10 ರಷ್ಟು ಇಳಿಕೆ ಕಂಡರೆ ಲಿವರ್ನಲ್ಲಿನ ಉರಿಯೂತ ಕಡಿಮೆಯಾಗಿ ಆರಂಭಿಕ ಹಂತದ ಹಾನಿಯನ್ನು ಸರಿಪಡಿಸಬಹುದು.
ಫ್ಯಾಟಿ ಲಿವರ್ ನಿರ್ಲಕ್ಷಿಸಬೇಡಿ
ಫ್ಯಾಟಿ ಲಿವರ್ ಆರಂಭದಲ್ಲಿ ಯಾವುದೇ ರೋಗಲಕ್ಷಣಗಳನ್ನು ತೋರಿಸದಿರುವುದರಿಂದ, ನಿರ್ಲಕ್ಷಿಸಿದರೆ ಮುಂದೆ ಲಿವರ್ ಫೈಬ್ರೋಸಿಸ್, ಸಿರೋಸಿಸ್ ಅಥವಾ ಲಿವರ್ ಫೇಲ್ಯೂರ್ಗೆ ಕಾರಣವಾಗಬಹುದು. ಆದ್ದರಿಂದ ನಿಯಮಿತ ನಡಿಗೆ, ಉತ್ತಮ ಆಹಾರ ಪದ್ಧತಿ ಹಾಗೂ ವೈದ್ಯರ ಸೂಕ್ತ ಸಲಹೆ ಪಡೆಯುವುದು ಅಗತ್ಯವಾಗಿದೆ.
ಇದನ್ನೂ ಓದಿ: ಆರೋಗ್ಯಕರ ಜೀರ್ಣಾಂಗ ವ್ಯವಸ್ಥೆಗೆ ಸಹಕಾರಿ ಈ ಎರಡು ಅಡುಗೆ ಎಣ್ಣೆಗಳು: ಪೌಷ್ಟಿಕತಜ್ಞರ ಸಲಹೆ
