ಅಟ್ಲಿ ಅವರ ಬಾಲಿವುಡ್ (Bollywood) ಚಿತ್ರ ‘ಬೇಬಿ ಜಾನ್’ ಮಿಶ್ರ ಪ್ರತಿಕ್ರಿಯೆ ಪಡೆಯುತ್ತಿದ್ದು ಕೀರ್ತಿ ಸುರೇಶ್ (Keerthy Suresh) ಅವರ ಬಾಲಿವುಡ್ ಡಿಬಟ್ ಠುಸ್ ಆಗಿದೆ. ಚಿತ್ರದ ಒಟ್ಟು ಕಲೆಕ್ಷನ್ ಸ್ಟೇಟಸ್ ಬಹಿರಂಗವಾಗಿದೆ. ‘ತೆರಿ’ ವಿಜಯ್ (Vijay) ಮತ್ತು ಸಮಂತಾ (Samantha Ruth Prabhu) ಅಭಿನಯದ ಅಟ್ಲಿ ನಿರ್ದೇಶನದ 2016 ರ ಚಿತ್ರ. ಚಿತ್ರವು ಅಭಿಮಾನಿಗಳಿಂದ ಉತ್ತಮ ಪ್ರತಿಕ್ರಿಯೆಯನ್ನು ಪಡೆದುಕೊಂಡಿದೆ. ಬಾಕ್ಸ್ ಆಫೀಸ್‌ನಲ್ಲೂ ಕಲೆಕ್ಷನ್ ಮಾಡಿತು. ಸುಮಾರು 8 ವರ್ಷಗಳ ನಂತರ ಅಟ್ಲಿ ಈ ಚಿತ್ರವನ್ನು ಹಿಂದಿಗೆ ರಿಮೇಕ್ ಮಾಡಿದ್ದಾರೆ.
ಇವರ ನಿರ್ಮಾಣದ ಚಿತ್ರದಲ್ಲಿ ವರುಣ್ ಧವನ್, ಕೀರ್ತಿ ಸುರೇಶ್ ಮುಂತಾದವರು ನಟಿಸಿದ್ದಾರೆ. ‘ಬೇಬಿ ಜಾನ್’ ಎಂಬ ಶೀರ್ಷಿಕೆಯ ಚಿತ್ರವು ಡಿಸೆಂಬರ್ 25 ರಂದು ಕ್ರಿಸ್‌ಮಸ್ ಸಂದರ್ಭದಲ್ಲಿ ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗಿದೆ.
ಚಿತ್ರವು ಮಿಶ್ರ ವಿಮರ್ಶೆಗಳನ್ನು ಪಡೆಯಿತು. ಇದು ಬಾಕ್ಸ್ ಆಫೀಸ್ನಲ್ಲಿ ಉತ್ತಮ ಪ್ರದರ್ಶನ ನೀಡಲಿಲ್ಲ. ಇದರಿಂದಾಗಿ ರು.150 ಕೋಟಿ ಬಜೆಟ್ ನಲ್ಲಿ ತಯಾರಾದ ಈ ಚಿತ್ರ ವಿಶ್ವಾದ್ಯಂತ ಕೇವಲ 50 ಕೋಟಿ ಕಲೆಕ್ಷನ್ ಮಾಡಿದೆ ಎನ್ನಲಾಗಿದೆ. ಇದರಿಂದ ಅಟ್ಲಿಗೆ ಬಾಲಿವುಡ್ನಲ್ಲಿ ಮುಖಭಂಗವಾಗಿದೆ ಎನ್ನಲಾಗಿದೆ.
ಕ್ರಿಸ್‌ಮಸ್‌ನಲ್ಲಿ ಚಿತ್ರ ಬಿಡುಗಡೆಯಾದಾಗ ಅದರ ಪ್ರಚಾರಕ್ಕೆ ತಕ್ಕಂತೆ ರೆಸ್ಪಾನ್ಸ್ ಸಿಕ್ಕಿಲ್ಲ. ರಜೆಯ ದಿನದಂದು ಬಿಡುಗಡೆಯಾದ ಕಾರಣ, ಮೂವಿ 11.25 ಕೋಟಿ ರೂಪಾಯಿ ಗಳಿಸಿತು. ಆದರೆ, 2 ನೇ ದಿನದಿಂದಲೇ ಚಿತ್ರವು ಕುಸಿತ ಕಂಡಿದೆ. ಬಾಕ್ಸ್ ಆಫೀಸ್ನಲ್ಲಿ 11 ದಿನಗಳನ್ನು ಪೂರೈಸಿದ ನಂತರವೂ ವರುಣ್ ಧವನ್ ಅಭಿನಯದ ‘ಬೇಬಿ ಜಾನ್’ ಚಿತ್ರವು ರೂ. 40 ಕೋಟಿ ಮಾರ್ಕ್ ತಲುಪಿದೆ.
