ಬೆಳಗಾವಿ: ಜಿಲ್ಲೆಯ ರಾಜಕೀಯ (Politics) ವಲಯ ಹಾಗೂ ಆಡಳಿತ ವಲಯದಲ್ಲಿ ಭುಗಿಲೆದ್ದಿರುವ ಮಹತ್ವದ ಆರೋಪವನ್ನು(Alligation) ಮಾಹಿತಿ ಹಕ್ಕು (Right to Information) ಹೋರಾಟಗಾರ ಭೀಮಪ್ಪ ಗಡಾದ್ ಇಂದು ಬೆಳಗಾವಿಯಲ್ಲಿ ಬಿಚ್ಚಿಟ್ಟಿದ್ದಾರೆ. ಸುವರ್ಣ ಸೌಧದಲ್ಲಿ ನಡೆದಿರುವ ದುಂದು ವೆಚ್ಚಗಳನ್ನು ಬಹಿರಂಗಪಡಿಸಿರುವ ಅವರು, ಲಕ್ಷಾಂತರ ರೂಪಾಯಿ ಸಾರ್ವಜನಿಕರ ತೆರಿಗೆ ಹಣವನ್ನು ಖುರ್ಚಿ ಮತ್ತು ಭಾವಚಿತ್ರಗಳ ಹೆಸರಿನಲ್ಲಿ ಪೋಲಾಗಿ ಬಳಸಲಾಗಿದೆ ಎಂದು ಗಂಭೀರ ಆರೋಪ ಮಾಡಿದ್ದಾರೆ. ಭೀಮಪ್ಪ ಗಡಾದ್ ಅವರು ಮಾಹಿತಿ ಹಕ್ಕು ಅರ್ಜಿಯಿಂದ ಪಡೆದ ದಾಖಲೆಗಳನ್ನು ಇಂದು ಮಾಧ್ಯಮಗಳಿಗೆ ಬಿಡುಗಡೆ ಮಾಡಿದ್ದು, ಇದರ ವಿವರಗಳು ರಾಜ್ಯದ ಜನರಲ್ಲಿ ಗಂಭೀರ ಪ್ರಶ್ನೆಗಳನ್ನು ಹುಟ್ಟುಹಾಕಿವೆ ಎನ್ನಲಾಗಿದೆ.
43 ಲಕ್ಷದ ಸಭಾಧ್ಯಕ್ಷರ ಕುರ್ಚಿ – 68 ಲಕ್ಷದ ಭಾವಚಿತ್ರಗಳು!
ಗಡಾದ್ ಬಿಡುಗಡೆ ಮಾಡಿದ ದಾಖಲೆಗಳಲ್ಲಿ ಸುವರ್ಣ ಸೌಧದಲ್ಲಿ ಕೇವಲ ಸಭಾಧ್ಯಕ್ಷರ ಪೀಠದ ನಿರ್ಮಾಣಕ್ಕೆ ಮಾತ್ರ 42,93,940 ವೆಚ್ಚ ಮಾಡಲಾಗಿದೆ ಎಂದು ಮಾಹಿತಿ ಬಹಿರಂಗವಾಗಿದೆ. ಈ ವಿನ್ಯಾಸ, ಅಳತೆ, ಒಳಸಜ್ಜೆ ಮತ್ತು ಕಲಾತ್ಮಕ ಕೆಲಸಗಳ ಹೆಸರಿನಲ್ಲಿ ಈ ಭಾರೀ ಮೊತ್ತ ಖರ್ಚಾಗಿರುವುದಾಗಿ ಮಾಹಿತಿ ಪಡೆದುಕೊಳ್ಳಲಾಗಿದೆ. ಅಷ್ಟೇ ಅಲ್ಲದೆ, ಸುವರ್ಣ ಸೌಧದ ಒಳಭಾಗದಲ್ಲಿ ಅಳವಡಿಸಿರುವ ಭಾವಚಿತ್ರಗಳ 11 ಸೆಟ್‌ಗಳಿಗೆ 68,67,964 ವೆಚ್ಚ ಮಾಡಲಾಗಿದೆ ಎಂಬ ದಾಖಲೆ ಗಡಾದ್ ಅವರ ಕೈಯಲ್ಲಿ ಲಭ್ಯವಾಗಿದೆ. ಒಟ್ಟು 1 ಕೋಟಿಗೂ ಮೀರಿದ ವೆಚ್ಚ ಖರ್ಚಾದರೂ, ಇದಕ್ಕೆ ಕಲಾತ್ಮಕ ಮೌಲ್ಯಕ್ಕಿಂತಲೂ ಹೆಚ್ಚು ಅತಿಯಾದ ಖರ್ಚಿನ ವಾಸನೆ ಬರುತ್ತಿದೆ ಎಂದು ಅವರು ಆರೋಪಿಸಿದ್ದಾರೆ.
