ಇತ್ತೀಚಿನ ದಿನಗಳಲ್ಲಿ ಪ್ಯಾನ್ ಕಾರ್ಡ್ (Pan Cared) ಎಷ್ಟು ಮುಖ್ಯ ಎಂದು ಹೇಳಬೇಕಾಗಿಲ್ಲ. ಸರ್ಕಾರಿ ಕೆಲಸದಿಂದ (Government Job) ಹಿಡಿದು ಹಣಕಾಸಿನ ವಹಿವಾಟಿನವರೆಗೆ ಇದು ಅನಿವಾರ್ಯವಾಗಿದೆ. ಆದರೆ, ಪ್ಯಾನ್ ಕಾರ್ಡ್‌ನಲ್ಲಿ ನಿಮ್ಮ ಜನ್ಮದಿನಾಂಕ (Date Of Birth) ತಪ್ಪಾಗಿದ್ದರೆ ಹಲವು ಸಮಸ್ಯೆಗಳು ಎದುರಾಗುತ್ತವೆ. ತೆರಿಗೆ (Tax) ಮತ್ತು ಹಣಕಾಸಿನ ದಾಖಲೆಗಳು ನಿಖರವಾಗಿರಲು ತ್ವರಿತವಾಗಿ ನವೀಕರಿಸಬೇಕಾಗಿದೆ. ಈ ಪ್ರಕ್ರಿಯೆಯನ್ನು ಆನ್ಲೈನ್ನಲ್ಲಿ ಪೂರ್ಣಗೊಳಿಸಬಹುದು. ಇದರ ಬಗ್ಗೆ ಕಂಪ್ಲೀಟ್ ಮಾಹಿತಿ ಇಲ್ಲಿದೆ ನೋಡಿ.
ಆನ್ಲೈನ್ನಲ್ಲಿ ಅಪ್‌ಡೇಟ್‌ ಮಾಡೋದು ಹೇಗೆ?
ಮೊದಲು ಯಾವುದೇ ಅಧಿಕೃತ ವೆಬ್‌ಸೈಟ್‌ಗೆ ಭೇಟಿ ನೀಡಿ. ಪ್ರೊಟೀನ್ ಇ-ಗೌವ್ ಟೆಕ್ನಾಲಜೀಸ್ ಲಿಮಿಟೆಡ್ (NSDL) ಲಿಂಕ್ ( https://www.onlineservices.nsdl.com/paam/endUserRegisterContact.html); ಅಥವಾ ಯುಟಿಐ ಇನ್‌ಫ್ರಾಸ್ಟ್ರಕ್ಚರ್ ಟೆಕ್ನಾಲಜಿ ಅಂಡ್ ಸರ್ವೀಸಸ್ ಲಿಮಿಟೆಡ್ (UTIITSL) ಪೋರ್ಟಲ್ ( https://www.pan.utiitsl.com/csf.html ) ಗೆ ಭೇಟಿ ನೀಡಿ .
– ವೆಬ್‌ಸೈಟ್ “ಅಸ್ತಿತ್ವದಲ್ಲಿರುವ ಪ್ಯಾನ್ ಡೇಟಾದಲ್ಲಿ ಬದಲಾವಣೆ/ತಿದ್ದುಪಡಿ/ಪ್ಯಾನ್ ಕಾರ್ಡ್‌ನ ಮರುಮುದ್ರಣ” ಎಂಬ ಆಯ್ಕೆಯನ್ನು ಹೊಂದಿರುತ್ತದೆ. ನಿಮ್ಮ ಜನ್ಮ ದಿನಾಂಕದ ಹೊರತಾಗಿ, ಈ ಆಯ್ಕೆಯ ಮೂಲಕ ಇತರ ವಿವರಗಳನ್ನು ಸಹ ನವೀಕರಿಸಬಹುದು.
ಇದಕ್ಕಾಗಿ ಆನ್‌ಲೈನ್ ಅರ್ಜಿ ನಮೂನೆಯನ್ನು ಭರ್ತಿ ಮಾಡಬೇಕು. ನಿಮ್ಮ ಪೂರ್ಣ ಹೆಸರು, ಹುಟ್ಟಿದ ದಿನಾಂಕ, ಸಂಪರ್ಕ ಮಾಹಿತಿ ಮತ್ತು ನಿಮ್ಮ ಪ್ರಸ್ತುತ PAN ಸಂಖ್ಯೆಯನ್ನು ನಮೂದಿಸಿ. “ಹುಟ್ಟಿದ ದಿನಾಂಕ” ಪಕ್ಕದಲ್ಲಿರುವ ಬಾಕ್ಸ್ ಅನ್ನು ಟಿಕ್ ಮಾಡಬೇಕು. ಆ ಜನ್ಮ ದಿನಾಂಕವನ್ನು ನವೀಕರಿಸಬಹುದು.
– ಮುಂದಿನ ಪೋಷಕ ದಾಖಲೆಗಳನ್ನು ಅಪ್‌ಲೋಡ್ ಮಾಡಬೇಕು. ಜನ್ಮ ದಿನಾಂಕದ ಪುರಾವೆಯಾಗಿ ಜನನ ಪ್ರಮಾಣಪತ್ರ, ಪಾಸ್‌ಪೋರ್ಟ್ ಅಥವಾ ಸರ್ಕಾರ ನೀಡಿದ ಗುರುತಿನ ಚೀಟಿ (ಹುಟ್ಟಿದ ದಿನಾಂಕ ಸ್ಪಷ್ಟವಾಗಿ ಗೋಚರಿಸಬೇಕು); ಆಧಾರ್ ಕಾರ್ಡ್, ವೋಟರ್ ಐಡಿ, ಪಾಸ್‌ಪೋರ್ಟ್ ಗುರುತು, ವಿಳಾಸ ಪುರಾವೆಯಾಗಿ ಅಪ್‌ಲೋಡ್ ಮಾಡಬಹುದು.
